Euri-jasarik handienak goizaldean erregistratu ditu Euskalmetek Urkuluko estazioan; 03:20ean, 2,5 litro metro karratuko jaso du. Atzo, zapatua, 16,1 litro jaso ziren metro karratuko eta euri-jasarik handienak 07:30ak bueltan erregistratu ziren, orduko 1,8 litro metro karratuko pilatuta.
Alerta laranja euriagatik
Euskal meteorologia agentziak iragarri du zaparradak, tarteka txingorra, etengabeak izango direla bai gaur, bai bihar, astelehena. Elur-kota 800 eta 1.000 metro inguruan kokatuko da eta ipar-mendebaldeko haizea oso zakar ibiliko da. Tenperatura maximoak 6 eta 11 gradu ingurukoak izango dira. Hain zuzen alerta gorria ezarri dute euriagatik, gaur eguerditik bihar eguerdia bitartean, zaparradak iraunkorrak eta ugariak izango direlako eta 80 litro metro karratu baino gehiago pila daitezkeelako.
Astearterako prezipitazio gutxiago iragarri du, baina giro hotza izango da. Tenperatura maximoak 5 eta 9 gradu artekoak izango dira eta elur-kota 700 eta 900 metro inguruan kokatuko da.
