Erakusleiho onena aukeratzeko orduan kontuan hartuko dituzte, besteak beste, erakusleihoaren kalitatea, publizitate mezuaren imajinazioa, originaltasuna, eraginkortasuna eta argien erabilera. Gainera, saltokiko ohiko artikuluak agertu beharko dira erakusleihoan.
Lehen saria epaimahaiak erabakiko du –300 euroko bonoa eta plaka bat– eta bigarrena –150 euroko bonoa–, herritarrek, boto bidez; abenduaren 9tik 16ra bitartean eman ahal izango da botoa, Arkupen jarritako kaxan edo webgunean zintzilikatuko den galdetegia beteta. Botoa ematen duten guztien artean 50 euroko bonu bat zozketatuko da Aretxabaletako dendetan gastatzeko.
Irabazleen berri hilaren 23an emango dute Udal ordezkariek.