"Oso esperientzia polita izan da, baita oso intentsua ere. Izan ere, hiru hilabetean lan handia egin behar izan dugu; baina merezi izan du", adierazi du aretxabaletarrak.
Aukeraketaren bukaerako casting-era hogei lagun iritsi ziren, eta hortik hamabi hautatu zituzten; hamahirugarrena, ostera, sare sozialen bidez sartu zen. Gala bakoitzean abeslari batek agur esan dio lehiaketari, eta bost geratu dira finalerako. "Ez nuen espero azken emanaldi honetan egoterik, hortaz, benetan pozik nago. Izugarrizko bost artista iritsi garela esango nuke". Eta domekako saioa ikustera animatu ditu herritarrak: "Maila handiko emanaldia izango da; benetan polita".
Aurrera jarraitzeko animotsu
Era berean, bizi izandako esperientzia honekin asko ikasi duela aitortu du: "Bilakaera handia izan dudala hasi nintzenetik hona igarri dut. Orain lanean segitzea dagokit, eta neure aukerak topatzen jarraitzea".
