1945eko urtarrilaren 16ean, 33 urte zituela, Alcala de Henareseko hilerrian (Madril) fusilatu eta hobi komun batean lurperatu zuten Jesus Carrera Olascoaga hondarribiarra. Haren senideek 2018an lortu zuten gorpua jaioterrira ekartzea. Eta orduan galdera asko sortu zitzaizkien: nor zen Jesus Carrera? Zergatik hil zuten? Zergatik egon da hirurogeita hamar urte baino gehiago isilean?
Galdera horiek eta beste hainbat erantzuteko ikerketa abiatu eta Jesus Carrera: Hondarribiko Gorria dokumentalean jaso zuten. Hain zuzen, Maria Carrera eta Xabi Carrera ilobak izango dira haren osabarekin zer gertatu zen jakin nahi eta zauria ixteko beharretik abiatuta, Paco Etxeberria forentseak zuzendutako desobiratze prozesuan barneratu eta euren bizipenak partekatuko dituztenak.
