Euskalmetek iragarritako legez haize-bolada zakarrak izan dira nagusi domeka goiz honetan, eta horren ondorioz, hainbat zuhaitz erori egin dira eta adar asko apurtu, udaletxearen atzeko partean dagoen Felix Iñurrategi lorategian eta beste hainbat gunetan.
Euskalmetek Arrasateko estazioan jasotako datuen arabera haize ufadarik bortitzenak 11:00ak bueltan izan dira, ia 70 kilometro ordukoak.
Udaletik adierazi dute zuhaitzez gain hainbat etxetako fatxada zatiak ere erori direla. Dena den "ez da izan kalte handirik". Eta gaineratu dute: "Astelehenetik aurrera, udal zerbitzuak kalteak konpontzen hasiko dira eta itxita geratu diren tokien pasabidea irekitzen saiatuko dira".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.