Gipuzkoako Karate Txapelketan domina bana eskuratu dituzte Blazquezek eta Bartolomek

Mirari Altube Arrese 2024ko azaroaren 18a

Gipuzkoako Emakumezkoen Txapelketa antolatu du Gipuzkoako Karate Federazioak, urte askoren ondoren, eta Hondarribian jokatu zen asteburuan. Han izan ziren UDAko lau kirolari; baita Aroa Blazquez eta Ariane Batolome domina banarekin itzuli ere.

Karateko kideek balorazio "gazi-gozoa" egin dute: "Borrokaldiak ez zirelako onenak izan". Dena den, bi domina eskuratu izanari balioa eman diote.

Kata modalitatean jardun zuen Aroa Blazquezek, alebin mailan, eta bigarren postua eskuratu zuen.

Beste hirurak kata eta kumite modalitateetan lehiatu ziren; Maitane Bartolomek infantil mailan eta Ariane Bartolomek kadeteen artean. Azken horrek, bigarren postua erdietsi zuen: "Arianek egindako hiru borrokaldi onak nabarmendu behar dira, txanda guztiak irabaziz eta kumitean –61kiloz azpikoetan– lehen postua eskuratuz bere taldekideek gidatuta". Joanna Perezek, ostera, senior kategorian borrokatu zuen.

Nesken eta mutilen kopuru bera

UDA karate elkartean, lehenengoz, emakumezko eta gizonezko kirolarien kopurua berbera da: Horrek erakusten du klubak egin duen apustua; eta horrek eragina du sail guztietan".

Kirola Aretxabaleta

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak