Argazki bilduma horretan gertutik jaso gura izan du gaur egun lehen lerroan dagoen buruko gaixotasun hori nolakoa den eta zein arazo dakartzan familiara, kideetako batek pairatzen duenean.
Arribasek 2017an hasi zuen lana. 21 urte zituen gazte bati argazkiak ateratzen hasi zen, familia inguruan zein medikuari bisitak egiterakoan, eta bi urtean jardun zuen horretan. Hamabost argazkik osatzen dute bilduma, baita gaixoaren hainbat idatzik ere, hausnarketarako baliagarriak direnak.
Hainbat sari eskuratutakoa da; 2020an, esaterako, Photo Art Festival lehiaketa irabazi zuen, baita The Washington post-en Ohorezko Aipamena jaso ere.
