Uda sasoiarekin batera kaleko ekitaldiei agur esan eta azaroan zinema denboraldiari ekingo diote Arkupen. Helduendako eta umeendako filmak iragarri dituzte bihartik bertatik.
Aste bukaeran Iciar Bollain zinema zuzendari nafarraren Soy Nevenca filma izango dute helduek; egubakoitzean, 22:00etan, zapatuan eta domekan, 19:30ean eta astelehenean, 16:00etan. Umeendako, ostera, Del Revés 2 marrazki bizidunen filma ekarriko dute zapaturako eta domekarako, 17:00etan. Sarreren prezioek ez dute aldaketarik izango: helduena 5 euro da –astelehenetan, 3 euro– eta umeena, 3 euro.
Hurrengo bi aste bukaeratan, La virgen roja eta El 47 izango dituzte helduek; lehenengoa Najwa Nimri aktore ezaguna protagonista duen drama da eta bigarrenak 1978ko Bartzelonako 47 autobus linea du ardatz Eduard Fernandez protagonista izanik. Umeentzat, ostera, Buffalo Kids, euskaraz, eta Gru 4. Mi villano favorito emango dituzte.
Prosopagnosia hilaren 30ean
Hilabete bukaeran bi ikus-entzunezko emango dituzte: Jesus Carrera komunistaren bizitza jasotzen duen Hondarribiko gorria hilaren 28an eta hausnartzera gonbidatzen duen Prosopagnosia, 30ean. Azken hori Aretxabaletan bizi den Ekain Martinez de Lizarduyk zuzendu du eta Itziar Ituño eta Kepa Errasti ditu protagonista.
