Teatro Paraiso taldearen Leihoak familiendako ikuskizunak irekiko du urriko egitaraua; domekan izango da, 17:00etan –sarrera, 3 euro–. Jolasaren bidez, bizitzako lehendabiziko urteetako irudien eraikuntza eta deseraikuntza gogora ekartzeko bidaia proposatuko diete ikusleei.
Helduendako bi lan
Urriaren 13an, ostera, Patxo Telleriak idatzitako Ai, gure juaneteak! ikuskizuna izango da, Tartean konpainiaren eskutik, Arkupeko Zaraia aretoan, 19:00etan –sarrera, 5 euro–. Hitzek eta musikak osatuta, Mikel Laboaren zenbait kanten berrinterpretazioa da: Izarren hautsa, Negu hurbila, Haika mutil, Ihes betea…
Urriaren 20an, ostera, Bilboko Pabellon 6ko Gazte Konpainiak adiskidetasuna eta harreman pertsonalak gai dituen Egun zoragarriak taularatuko du, 19:00etan, Arkupen –sarrera, 5 euro–.
