Aretxabaletak eta Leioak Ibarran jokatuko dute domekan (16:30). Hain zuzen, bizkaitarrek San Viatorren kontra jokatu zuten joan den astean, UDAkoen ligako lehenengo kontrarioaren kontra, eta Jon Castrilloren mutilek 3-1 irabazi zieten gasteiztarrei. Hala, kategoriako oilarretako bat izan daitekeenak jokatuko du domekan Ibarran; partidu ona UDA non dagoen ikusteko.
Aloña Mendik, etxean
Ohorezko Erregionalean Aloña Mendi da etxean jokatuko duen ordezkari bakarra (domeka, 16:30). Zumaiako izango dute aurrean, aurreko astean Zarautzen kontra 1-2 galdu zuen taldea. Bergarak eta Mondrak kanpoan jokatuko dute, bergararrek Tolosan zapatuan (16:30) eta arrasatearrek Elgoibarren egun eta ordu berean. Emakumezkoen Ohorezko Erregionalean, berriz, asteburuan hasiko dute liga. Hala, Bergarak etxean hasiko du liga, domekan (16:30), Ostadarren kontra.
