Dorleta, Urbaltz edo Exprex tabernetara jo beharko dute txartela erosi gura dutenek eta horretarako azken eguna irailaren 10a izango da.
Bi preziotako txartelak izango dira: haur, gazte eta langabeendako 10 eurokoak; eta gainerakoendako, 15 eurokoak.
Jai egun betea
Egun bakarreko jaia izango da baina ekintza sorta luzea iragarri dute. Hona hemen egitaraua:
- 11:00 Jaien hasiera GSR egoitzan.
- 12:00 Pregoia eta txupinazoa.
- 12:30 Haur jolasak eta Txarabermuta.
- 14:30 Auzo-bazkaria, eta ostean, dantzaldia.
- 16:30 Mus-txapelketa.
- 19:00 Glutenbakuak taldearen kontzertu akustikoa.
- 20:00 Ekso & Poli bikotearen emanaldia.
- 21:00 Eskailera bertikala txapelketa.
- 22:00 Mugi panderoa taldearekin dantzaldia.
- 00:00 AZ Gaubelak gaua girotzen.
Balkoiak apaintzeko deia
Antolatzaileek gogorarazi gura izan dute balkoiak apaintzeko deia egin dutela irailaren 14rako, eta horrela, kalea girotzea da helburua. Sariak egongo direla aurreratu dute: "Atariko bizilagunek batera apaindu dezakete edo nork bere balkoia. Eta atari eta balkoi koloretsu eta animatuenarentzat sariak egongo dira". Apaindutako atari onenarentzat bata eta balkoi onenarentzat bestea.
