Elene Errastik 2025eko ekainaren 30era arte jarraituko du Alavesen, Aretxabaletako jokalariak babazorroekin zuen kontratua luzatzeko akordiora iritsi ostean. Hala, Errastik hirugarren denboraldia beteko du Alaveseko emakumezkoen lehen taldeko jokalari gisa.
2020-2021 denboraldian iritsi zen Aretxabaletako hegaleko jokalaria Gasteizera, bigarren taldean jokatzeko. Ondoren eman zuen lehen taldean jokatzeko pausoa, Emakumezkoen Lehenengo mailan debuta eginez. Aurtengo denboraldian Lehen Federazio mailan lehiatu da Alaves, eta, Errastik 688 minutu jokatu ditu, 19 neurketetan banatuta; Lehen Federazio mailako eta Erreginaren Kopako partiduak batuta.
