Gasteizko Aurreraren aurkako partidua 4-1 irabazi ondoren hasi dira ospakizunak Aretxabaletan. UDAko jokalariak kamioian joan dira futbol zelaitik Herriko Plazara, eta zain zeuden herritarrekin batera ospatu dute Hirugarren Mailara igo izana.
Kamioiak, plazarako bidean, geldialdia egin du UDAko jokalari eta presidente ohi izandako Bixente Etxeandiaren aurrean, eta hura gogoan izan dute.
Plazan esker hitzak izan dituzte jokalariek zein Agurtzane Elkoro presidenteak zale eta herritar guztiendako, urteotan eta bereziki azken denboraldian erakutsitako babesagatik. Kantuan eta saltoka bukatu dituzte ospakizunak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.