Getariako txakolina dastatzeko aukera izan dute aretxabaletarrek

Getariako Txakolina Jatorri Izendapeneko sei upategietako txakolina dastatzeko aukera egon da gaur Aretxabaletan ospatutako Txakolin Egunean. Agerre, Aizpurua, Basa Lore, Erlete Goikoa, Mokoroa eta Sagarmiña upategiek hartu dute parte, eta bertako ekoizleen eskutik, hamburgesa eta pintxoak jateko aukera ere egon da. Eguraldiak lagunduta giro aparta izan dute gerturatu diren herritarrek, trikitilari, erraldoien konpartsa eta buruhaundiekin batera.