Elkarguneak sortzea eta gizarteratze soziolaborala eta linguistikoa ahalbidetuko duten sareak osatzea helburu duen Gu Haziak Gara elkarteak bazkideak gura ditu; urtean 50 euro izango da egin beharreko ekarpena. Eskatzen den konpromisoa da elkartearen balioekin bat egitea eta urteko batzarrean parte hartzea. Era berean, bazkideei eskaintzen dizkieten onurak dira ikastaroetan beherapenak eta arropen konponketetarako bonuak.
Bazkide egiteko elkartera jo daiteke –Irabalarri plaza, 5 behea– edo telefonoz deitu –681 65 59 39– eta diru ekarpena Laboral Kutxan egin behar da: ES82 3035 0002 1100 2006 4888.
