Lekaixoka bertso eskolakoek ekin zioten egunari bertsoen bidez kalejira eginda eta ondoren 50 lagunetik gora elkartu ziren bazkaltzeko. Kontu-kontari jarduna eta garai bateko gogoetak partekatuta, giro atsegina izan zuten mahaien bueltan, eta bingo musikatuarekin osatu zuten bazkalostea.
Iluntze partean musika izan zen nagusi Durana eta Mitarte kaleetan. Lehenengo Zuttik elektrotxarangak girotu zituen bazterrak; gero, Albina Stardust eta Divina Comediaren showak dantzan jarri zituen elkartutakoak. Bukatzeko, eguna borobildu zuten Gautegun taldearen emanaldiak.
