Eskuko telefonoek adin txikikoei eskaintzen dizkieten aukerak eta mehatxuak azaldu beharko dituzte 30 segundotako spotean.
Parte hartzeko Euspot.eus/parte-hartu ataleko formularioa bete beharko dute egileek eta lana wetransfer bidez helarazi hurrengo helbidera: euspotlehiaketa@arteman.eus. Horretarako azken eguna maiatzaren 20a da, 10:00ak baino lehen.
Sari banaketa ekainaren 6an
Ondoren, maiatzaren 24tik 27ra bitartean publikoak bozkatu ahal izango du. Sariak ekainaren 6an banatuko dituzte Aretxabaletako Arkupe kultur etxean, 19:00etan, egingo den ekitaldian.
Epaimahaia osatuko dute antolakuntza batzordeko ordezkariek eta honakoak izango dira sariak:
- • Spotik onena: 1.000 euro.
- • Publikoaren saria: 500 euro.
- • Gazteen saria (18 urtetik beherakoak): 500 euro.
- • Musika sinkronizazio onenaren saria: 300 euro.
- • Mondragon Unibertsitateko ikasleen spotik onena: 500 euro.
- • Arizmendi ikastolako ikasleen spotik onena: 250 euro.
