"Egun berezia da ikastolako komunitatearentzat, 2 urtetik hasi eta batxilergora arteko ikasleen topagune eguna baita", adierazi dute antolatzaileek. Ekintza ugari izango dituzte eta azken asteetan horiek guztiak gertatzen dabiltza: "Prestaketa lanetan buru belarri dabiltza familia eta profesionalak, irrikaz gaude guztiok eguna iristeko".
Goiz partean herri jolasak, trikitilariekin kalejira, buruhandiak, plaza dantzak eta taloak izango dituzte, Herriko Plazan. 13:00etan, ostera, "topa berezia" egingo dute ikastolaren urteurrena gogoan: "Arizmendi 20 urtez elkar eraikitzen ari garela ospatzeko".
Arratsaldea girotuko diete musikak, jolasek eta Argitxok eta Artistaz blai! ekimenarekin esango diote agur egunari.
Hona hemen egitaraua osorik:
- 10:45 Egunaren hasiera, Basabeazpi aurrean.
- 11:00 Herri jolasak.
- 12:00 Trikitilariekin kalejira, Basabeazpitik Herriko Plazara.
- 12:15 Buruhandiak herriko plazan.
- 12:30 Plaza dantzak eta jolasak.
- 13:00 Topa berezia, Arizmendi ikastolaren 20. urteurrena gogoan.
- 14:30 Bazkaria.
- 15:00 Umeentzako tailerrak.
- 16:15 Musika jolasak.
- 17:30 Txokolate beroa Argitxorekin.
- 18:30 Artistaz blai! Mitarte kalean.
