Palestinako genozidioaren aurkako mozioa aurkeztu zuen Aretxabaletako Mugimendu Feministak martxoaren 20ko ohiko osoko bilkuran, eta, besteak beste, eskatu zuten berehalako su-etena, Gazako zerrendan laguntza humanitarioa sartu eta emango dela ziurtatzea, biztanleria zibilaren aurkako eraso guztiak salatzea eta Israelgo Gobernuarekin harreman instituzional guztiak etetea. EH Bilduk babesa eman zion horri. EAJk, ostera, adierazi zuen hainbat puntu igarri zituela faltan mozio horretan eta Jaurlaritza interpelatu arren Europako Gobernuak duela zeresana. Hala, beste adierazpen bat aurkeztu zuten, baina EH Bilduk aurka bozkatu zuen, "motz" geratzen zela iritzita, eta ez zen onartu.
Kontratuen luzapena
Bestalde, onartu egin zuten etxerik etxeko laguntza zerbitzuaren kontratua eta Ibarra kiroldegiko zerbitzuen, kirol jardueren eta koordinazioarena luzatzea beste urtebetez.
