Egunotan prestatu dituzte landaketak egiteko zuloak Udal langileek, eta gaur, hainbat zuhaitz landatzen jardun dute: Durana kalean bi haritz eta astigar bat, eta herriko sarreran dagoen biribilgune berrian beste haritz bat eta hainbat landare.
Durana kalean falta ziren bi haritzak ordezkatu dituzte gaur. Hala, 19. zenbakidun atariaren parean egoera txarrean zegoelako martxo hasieran moztu behar izan zena batetik, eta orain dela urte batzuk kendu zena bestetik.
Martxoaren 7an haizeak bota zuen ezkia ere ordezkatu dute; haren lekuan astigar bat sartu da. "Espezie autoktonoa da eta dituen ezaugarriengatik egokia bertarako", adierazi dute Udaletik.
Bestalde, kuartelaren alboan dagoen biribilgunean haritz bat eta landare apaingarri batzuk sartu dituzte, erromeroa eta astakamamila (santolina chamaecyparissus), hain zuzen ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
