Senegalen proiektu bat abian duen Yaakar elkarteari laguntzeko jaialdia egingo dute Kurtzebarri BHIko ikasleek. Eguaztenean, hilaren 20an, izango da ikastetxeko areto nagusian, 18:00etan. Gainera, Herriko Plazan pintxo postuak, eskumuturrekoen salmenta eta bizikleten zozketa izango dituzte.
Aurtengo diru bilketa Senegalera eskola materiala bidaltzeko izango dela aurreratu dute institututik.
Yaakar elkarte aretxabaletarra 2019an eratu zen. Bere helburua Senegalekin garapenerako lankidetza-proiektuetan lan egitea da, zehazki Mbam udalerrian, Senegalgo mendebaldean, Foundiougne departamentuan eta Fatick eskualdean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.