Ikastolaren alde dirua batzeko eratu zuten herriko hainbat emakumek, eta hiru futbol partidu jokatu zituzten: lehenengo biak oñatiarren aurka eta hirugarrena Urretxukoen kontra. Lehen partidua etxean izan zen, eta 25.000 pezeta batu zituzten.
Taldean honako hauek zeuden: Loli Mayoral, Regina Eraña, Fatima Lasa, Mila Agirre, Consuelo Zubizarreta, Arantxa Akixu, Aurora Aranzabal, Mari Karmen Olabe, Mari Elena Azkoitia, Elena Arrese, Karmentxu Usandizaga, Mari Asun Mendieta, Esther Letamendi, Itziar Errasti, Ana Rosa Etxebarria eta Mila Urzelai; eta Javier Urreta eta Javier Urzelai entrenatzaileak.
