Kepa Errasti aktoreetako bat den 'Tarara' obra zentsuratua izan dela salatu du Hika konpainiak

Hasier Larrea 2024ko ots. 24a, 16:50
Hika konpainiak argitaratu duen irudia.

Madrilgo Morazarzal herrian aurkeztu behar zuten antzezlana martxoaren 16an. Hika Teatroak sare sozialetan jakinarazi du PPk eta Vox-ek gobernatzen duten hango udalak "arrazoi politikoengatik" hartu duela obra zentsuratzeko erabakia.

"Gaur ez gatoz berri onekin. Zentsuraren itzala luzea da". Halaxe jakinarazi du Hika konpainiak haren ekoizpen bat zentsuratua izan dela. Tarara obra ziren aurkeztekoak Morazarzalen, thrillerra eta poetika nahasten dituen lana. Aktore taldean Kepa Errasti, Tania Fornieles, Jurdana Otxoa, Jose Cruz Gurrutxaga, Iñar Sastre eta Itziar Ituño daude.

Ikuskizuna ekainetik zegoen lotua, Platea programaren bitartez, eta "konpromiso gutun bat" sinatu zuten orduan konpainiak eta Moralzarzalgo Udalak. Antza, Udalean urtarril bukaeran hartu zuten emanaldia bertan behera lagatzeko erabakia, "baina guri jakinarazteko duintasunik ere ez dute izan", azaldu dute Hikakoek. Ostegunean konturatu ziren eta, diotenez, "arrazoi politikoak" daude zentsuraren atzean. Dena den, nabarmendu dute, "batzuei gustatu ala ez", antzerkia egiten jarraituko dutela: "Gure sormena eta ahotsa ez dituzte isilaraziko".

Kepa Errasti aktore aretxabaletarra ere ildo beretik mintzatu da sare sozialetan:

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak