Ixadebalde merkealdien azoka egun bakarrean egin dute oraingoan Aretxarteko merkatariek. Postuak Herriko Plazaren behealdean jartzeko asmoa bazuten ere, giro narrasaren iragarpena tarteko, saltokien bueltan jarri dituzte. Hala ere, herritar asko gerturatu da mauken bila.
Neguko generoa kentzeko asmoarekin herritarren eskura eskaintzak jarri dituzten merkatariak honako hauek izan dira: Almila Shop, Tak, Belar Meta, Hankabeltz, Kiloka, Asensio eta Kilima.
Goiz partean kanpoan izan dituzte produktuz betetako postuak gehienek, eguraldiak lagun egin dielako, baina arratsaldean, denden barruko aldera erakarri dituzte bezeroak. Gainera, 50 euroko zazpi bonu zozketatu dituzte erosleen artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.