Ixadebalde merkealdien 26. azoka egubakoitzean, hilaren 23an, egingo dute. Aretxarteko hainbat merkatarik jarriko dituzte postuak saltokien aurrealdeetan; honako hauek elkartuko dira: Asensio, Kilima, Hankabeltz, Kiloka, Belar Meta, Tak eta Almila Shop.
Hasiera baten Herriko Plazaren beheko partean egitekoak baziren ere azoka, egubakoitzeko eguraldi iragarpenaren aurrean, bertan behera utzi dute asmoa eta saltokien aurrealdeetara aterako dute generoa, azken urteetan legez.
Herritar guztiak gonbidatu dituzte postuetara –kanpoan zein barruan egon horiek– "eskaintza mordoa eta mauka interesgarriak" izango dituztelako, eta iragarri dute bezeroen artean 50 euroko zazpi bonu zozketatuko dituztela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.