Arabaclick argazki jaialdiko Jardín remoto beka irabazi zuen 2022ko urrian Burgosek. Artistaren unibertso sortzailean barneratzen gaituzten erretratuek eta natura hilek osatzen dute erakusketa eta kaleetan harrapatutako irudiak eta barne mundua erakusten ditu. "Ikusleak argazkilariak ikusten duena ikusiko du eta, aldi berean, argazkilaria bera bere argazkien bidez deskubrituko du", adierazi dute antolatzaileek.
Erakusketa otsailaren 29a arte egongo da ikusgai Arkupen; hona hemen ordutegia: astelehenetik egubakoitzera, goizez (11:00- 13:00) eta arratsaldez (18:00-20:00); eta zapatuetan, goizez bakarrik.
