Torturaren aurkako jardunaldiak egingo dituzte Aretxabaletako Urbaltz elkartean asteotan, hitzaldia bana antolatu baitute otsailaren 17rako eta 25erako. Hain justu, Oso latza izan da liburua aurkeztuko du Xabier Mendiguren Elizegi idazleak zapatuan, 11:30ean, elkartean bertan; Joxe Arregiren tortura kasuaren kontakizun literarioa egiten du. Amaitzeko, gainera, antolatzaileek jakinarazi dutenez, jan-edana egongo da bertaratzen direnentzat.
Datorren astean, berriz, hilaren 25ean, domekan, Nafarroako Torturatuen Sareko kideen hitzaldia izango da, euren esperientzien berri izateko, Urbaltz elkartean, arratsaldeko seietan. Orduan ere jan-edana egongo da ekintza bukatzean.
