Hezitzailea behar du Loramendi elkarteak hezkuntza errefortzu eskolak emateko. Otsailetik apirilera arte lan egiteko izango da: astean hamar ordu, astelehenetik eguenera, arratsaldeetan. Curriculumak urtarrilaren 21erako bidali behar dira elkartera eramanda –Durana kalea, 11– edo emailez bidalita: euskara@loramendielkartea.eus.
Euskalduna izatea eskatzen da, eta bigarren mailako Lanbide Heziketa, gradua edo diplomatura-lizentziatura titulua.
Aretxabaletarra izatea eta bertako euskalkia menperatzea baloratuko dute, baita hezkuntzarekin loturiko ikasketak ere, eta haurrekin aisialdian esperientzia izatea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.