Telleria bera izango da oholtzan Mikel Martinezekin batera, eta politika, etika, traizioa eta mendekua batuko dituen istorio dibertigarria eskainiko dute, endredozko thrillerra, hain zuzen ere.
Aberats ospetsu batek osasun sistema publikoari dohaintzan eman dio ekipamendu bat minbiziaren aurkako tratamenduetarako. Eta minbizia duen ezkerraren erreferente intelektual batek, Etika eta Filosofia Politikoan katedradun erretiratuak, hautatu beharko du printzipioei leial izan eta uko egin tratamenduari edo "prakak jaitsi". Erabakia hartua duenean eta publikoki iragartzera doan unean, bere ikasle izandako bat agertuko zaio, ezustean, aspaldiko kontuak garbitzeko gogoz.