Hona hemen auzo-alkate berriak: Garbiñe Zubizarreta (Isurieta); Jose Ramon Urrutia (Galatza); Mikel Añibarro (Apotza-etxebarria); Gorka Arbulo (Oro); David Agirre (Larrino); Beñat Kortabarria (Aozaratza); Jaione Lazkano (Areantza); eta Miguel Moñux (Goroeta); eta Iñigo Trojaola (Arkarazo).
"Bizi-baldintzak hobetzea" helburu
Udal ordezkariek jakinarazi zieten auzoetako "bizi-baldintzak hobetzeko apustua sendoa" egin gura dutela eta horretarako, hiru hilabetean behin bilera bat egitea proposatu zieten. Udala, gainera, gertu agertu zen hainbat konpromiso bere gain hartzeko. Batetik, urtean 40.000 euroko aurrekontu-partida bat sortzeko, auzoen artean proportzionalki banatzeko. Bestetik, urtean 70.000 euroko partida sortzeko asmoa dute titulartasun publikoko bideak konpontzeko, kopuru hori handitzeko aukerarekin dirulaguntzak jasoz gero: "2024 urterako 105.000 euro inbertitzea aurreikusten da, 35.000 euroko diru-laguntza jaso baita". Eta azkenik, jaiak antolatzeko partida handitu egingo dutela jakinarazi zieten.
Aurrekontuko partidaren kopurua handitu egingo dutela ere aurreratu zuten: "25.000 euroko partida egotetik, 151.000 eurokoa egotera pasatuko gara. Auzo-alkateen papera indartzea du helburua, eta horretarako, haien eskuan eta beraz bizilagunen eskuetan jartzea haien beharrak kudeatzeko ahalmena".
