Txalaparta hotsekin emango diote hasiera jaialdiari, eta ondoren, 2 urteko umeei eta haien familiei ongietorria egingo diete. Lekaixo lehiaketak ez du hutsik egingo, eta nork baino nork dotoreagoa bota jardungo dute neska-mutikoek.
En Tol Sarmiento taldearen Aukera berriak kanta ezaguna abestuko dute EITB maratoirako, eta ondoren, talde argazkia atera "eskuak altxatuta". Bihotzez ikasi dantza ere klasiko bihurtu da eta gaztetxoek zein helduek jardungo dute horretan.
Lehen Hezkuntzako seigarren mailakoek taloak egingo dituzte, eta buzkantzak, gaztainak eta sagardoa ere izango dira gosea kentzeko.
Antolatzaileek eskolako kide guztiak gonbidatu dituzte festara: "Ilunkara ederra pasatuko dugu lagun artean. Bertan ikusiko gara!"
