Iragarkia grabatzen laguntzeko deia egina zuten herritarren artean eta asko joan dira, mozorrotuta batzuk eta osagarri ezberdinak eskuetan dituztela beste batzuk. Urkulun grabatu dute. Kepa Errasti aktorearen ondoan antzeztu dute herritarrek, AZ Gaubelako Ibai Zangituri eta Mikel Alberdiri kasu eginez. Braveheart filma hartu dute aurten oinarri Gabonetako iragarkia egiteko eta hauxe da leloa: Ez duskue sekula gertutasuna kenduko. Gabonetako erosketak ere herriko komertzioetan egiteko mezua zabalduko dute beste behin.
Gaurko grabazioa eginda, edizio lanak faltako zaie iragarkia ikusgarri egiteko. Hilaren amaiera alderako egongo da prest.