Aretxabaletako Yaakar elkarteko kideak Arizmendi ikastolako mikroinformatikako ikasleekin izan dira Senegalgo proiektuaren berri ematen. Mbam eskualdeko eskolara bidaliko dituzten ordenagailuak prestatuko dizkiete Arizmendikoek.
"Ordenagailu horiek Mbameko ikasleek kalitatezko hezkuntza jasotzeko, etorkizuna eta ingurunea hobetzeko eta euren ametsak gauzatzeko giltza izango dira", adierazi dute Yaakarreko kideek. Amalia Ormaetxea elkarteko presidenteak eta Aminata Sene eta Souleymane Sarr kideek eskerrak eman dizkiete Arizmendi ikastolakoei: "Eskerrak irakasleei eta ikasleei gurekin gogoratzeagatik eta lankidetza proiektu polit honetan elkarlanean jarduten uzteagatik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
