Tokiko merkataritzan erosketak sustatzeko helburuarekin aurten egin den bigarren erosketa-txartel kanpaina da –aurrekoa ekainean egin zen–; deialdi bakoitzean 15.000 euro erabili ditu Udalak, 750 bonu aktibatzeko. Dirulaguntza hau Udalak eta Aretxarte merkatari eta ostalarien elkarteak sinatutako hitzarmenaren barruan dago.
Txartelak eskuratu ahal izango dituzte 16 urtetik gorako aretxabaletarrek, eta bakoitzak bakarra erosi ahal izango du nortasun agiria erakutsita. Txartel-sorta bakoitzean datoz 20 euroko bonua eta 10 euroko eta 5 euroko bina. Horiek erabili ahal izango dira Aretxarte elkartearen 40 establezimendu ingurutan: elikadura, arropa edo oinetakoen dendak; zerbitzuak –ile-apaindegia, estetika zentroa, fisioterapia…– eta tabernak. Bost eurokoak, hain zuzen ere, tabernatan gastatu beharko dira, baita Ogiberrin, Danonan eta Arkupe goxoki dendan ere. Bonuen iraungitze data azaroaren 20a izango da.