Antolatzaileek bi ibilbide diseinatu dituzte; bata 50 kilometrokoa eta 1.800 metroko desnibel metatuarekin, eta bestea, 25 kilometrokoa eta 1.000 metroko desnibelarekin. Aretxabaletako mendi-pistak eta bideak zeharkatuko dituzte. Ibilbideen trackak Kirolprobak webgunean zein Wikilook-en jaitsi daitezke.
Bi ibilbideetan, laburrean zein luzean, jatekoa eta edatekoa eskainiko dute; 25. kilometroan eta proba amaitzean, Herriko Plazan izango dira postu horiek.
Eguraldi iragarpena
Antolatzaileek adierazi dute zapaturako iragarpen meteorologikoa ona dela: "Egunaren lehen partean mendebalde-hego-mendebaldeko haizea nagusituko da eta ostarteak irekiko dira; arratsaldean, berriz, haizea ipar-mendebaldetik finkatuko da eta hodei gehiago ikusten hasiko gara. Tenperatura maximoak 17-20ºC ingurukoak izango dira".