Josemari Velez de Mendizabalek euskaratu eta egokitutako lana, Dokeren bederatzigarrena da, eta, ekainean estreinatu zuten. Idazle italiarrak 1974an idatzi bazuen ere, gaur egun bizi den egoera islatzen duela adierazi dute taldeko kideek.
Bi etxekoandre apal hilabetearen amaierara iristeko arazoen aurrean lapurretan egingo dute supermerkatu batean. Hasierako plan xumea korapilatzen joango da eta senarrak ere konplize egingo dituzte.
Vene Herrerok zuzendutako lana da eta aktore lanetan honako hauek izango dira: Maider Alcelay, Itziar Rosado, Xabi Latorre, Garbiñe Nuñez, Arantza Ezkurra, Mariasun Pagoaga, Itsaso Nuin eta Asier Alonso.