Zaragamatik etorritako Larraitz Beltran eta Uxue Lopez bikoteak mendean hartu zituen Naia Zelaia eta Onintze Galdos markinarrak. Hasieratik jarri ziren aurretik baina bizkaitarrek berdintzea ere lortu zuten birritan. Azkenean, 22 eta 19 emaitzarekin partidua arabarrentzat izan zen.
Bigarren partiduan Irati Betegi etxeko pilotariak Zaramagako Jaione Fernandezekin egin zuen bikote eta aurrean izan zituzten Antzuolako Nagore Galeago eta Olatz Insausti. Partidu gogorra izan zen, baita polita ere ikusleentzat, eta Betegik guztia eman zuen: "Pilotak motelak ziren eta indarrarekin eman arren ez zuten bote handirik egiten". Betegik eta Fernandezek, gainera, lehenengoz jokatu zuten elkarrekin. Partidua antzuolarrentzat izan zen 14 eta 22ko emaitzarekin.
