Haur jaioberrien bertso liburua argitaratu du urtero –2015etik hona– Aretxabaletako Udalak, Lekaixoka bertso eskolarekin batera, eta iaz jaiotakoek ere izango dute. Bertso bat eskainiko diote liburu horretan izena emandako ume bakoitzari.
Proiektuan parte hartu gura duten familiek 2022an jaiotako haurraren izen-abizenak eta jaioteguna jakinarazi beharko dituzte, baita gurasoen edo tutoreen izen-abizenak, nortasun agiriaren zenbakiak eta helbidea ere. Datuekin batera haurraren bi argazki eta haren deskribapen labur bat –izaera, berezitasunak, bitxikeriak, familiako kideak…– bidaliko dituzte honako helbidera: bertsoliburua@gmail.com. Eta horretarako azken eguna urriaren 4a da. Edozein zalantza edo arazo izanez gero Udaleko Euskara Sailera jo behar da: 943 71 18 62.
Liburua debalde –bigarren alea ordaindu egin beharko da– banatuko dute datorren abenduaren 14an Arkupen egingo den ekitaldian.