Martin Kabarrixa pertsonaiari ongietorria eginda (20:00) murgilduko dira jaietan gaur, egubakoitza. Ondoren, auzo-afaria egingo dute eta dantzaldia ere izango da.
Bihar, zapatua, txistularien dianarekin emango diote hasiera egunari (09:30). Meza izango da gero (12:00), auzoan hildakoen alde, eta bukatutakoan, mokadutxoa jan eta 32. ginkanari ekingo diote. Arratsaldean (17:45), Areantzako jolasetan jardungo dute.
Domekan, Kurtzebarriko Egunarekin bat egingo dute eta ohiturari eutsiz tontorrean elkartuko dira auzotarrak, argazkia ateratzeko. Ondoren, labanderan jaitsiko dira etxe aldera eta Martin Kabarrixa agurtuko dute.