Lehiaketara aurkeztutako irudiak komertzio txikien aldekoak izango dira eta irabazleak 100 euroko bonua jasoko du. Parte hartu ahal izango dute 16 urtetik gorakoek, eta marrazkia, honako helbidera bidali beharko dute: aretxarteelkartea@gmail.com. Horretarako azken eguna irailaren 15a izango da.
Ixadebalde azoka irailaren 7tik 9ra
Bestetik, Aretxarteko hainbat dendak Ixadebalde merkealdien azoka egingo dute irailaren 7an, 8an eta 9an. Saltokien aurrealdean izango dituzte merkatutako produktuak eta maukak honako hauek: Asensio, Kilima, Tak, Amaia ume denda, Belar Meta, Hankabeltz eta Almila Shop.
Eguenean eta egubakoitzean goizez eta arratsaldez izango dituzte produktuak kalean (10:00-13:30 eta 16:30-20:00) eta zapatuan, goizez bakarrik (10:00-14:00).
Gainera, bezeroen artean 100 euroko hiru bonu zozketatuko dituzte Ixadebalderi agur esan ondoren.
