Ertzaintzak 06:00etan izan du gertakariaren berri, eta 07:00ak aldera atxilotu dute gizonezkoa Mitarte plazan. Ustezko erasotzaileak eragindako zaurien ondorioz, anbulantzian ospitalera eraman behar izan dituzte zaurituak. Zaurituetako arrasatearra larri dago, Gasteizko Txagorritxu ospitalean. Beste zaurituak, aretxabaletarrak, zauri arinagoak ditu. Ertzaintza gertatutakoa ikertzen ari da.
Aretxabaletako Udalaren oharra
Gertakariaren harira, Aretxabaletako Udalak ohar bidez adierazi du bere “kezka”.
Hemen, oharra:
“Gaur gauean gertatutakoaren harira, Aretxabaletako Udaletik gure kezka adierazi nahi dugu.
Era berean, zauritutako pertsonei eta familiei gure elkartasuna adierazi nahi diegu eta lehenbailehen sendatzea espero dugu.
Azkenik, argi utzi nahi dugu, gure herrian ez ditugula horrelako gertakari edo jarrerak onartuko”.
