Zirkuko jolasek, gorputz-adierazpenak eta antzerkiak bat eginda ikuskizun dibertigarria eta hunkigarria eskainiko dute Izaskun Lasarte, Txetxu Collado eta Nano Napal aktoreek.
Mugimendua hizkuntza unibertsal bihurtuko dute, eta horren bidez ikuslea hunkitzea gura dute. Kimerak egungo gizarteari begiratu eta "pertsonak handi egiten dituzten gauza txiki horien hauskortasuna erakutsi nahi du".