Sasoi betean jarraitzen duela erakutsi du beste behin aretxabaletarrak. Gaurkoan, Madeiran (Portugal) hirugarren postua eskuratu du Madeira Sky Race lasterketan. Oihana Azkorbebeitia abadiñarra bigarren izan da.
Ainara Urrutiak beste balentria bat egin du. Portugaleko Madeiran jokatutako Madeira Sky Race lasterketa luzean hirugarren postua eskuratu du. Probako berrogeita bost kilometroak egiteko sei ordu eta hogeita bederatzi minutu behar izan ditu (06:29:29). Aretxabaletarra Euskal Selekzioaren elastikoarekin aritu da gaurkoan. Podiuma osatu dute bigarren postuan beste euskaldun batek; Oihana Azkorbebeitiak. Lehen postua eskuratu du Emma Cook-Clarke kanadiarrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
