Altxorraren bila jolasarekin ekingo diote jaiari Kurtzebarri eskolakoek (10:30); plazatik abiatuko dira. Trikitilariekin kalejira egingo dute gero (11:30) Iralabarri plazan hasita, eta batukadak ere girotuko ditu kaleak (12:00).
Ondoren, Eguzkiari agurra ikuskizuna eskainiko dute plazan (13:00) eta talde argazkia atera. Pilotalekuan bazkalduko dute (14:30), eta arratsaldean jolasak, puzgarriak, musika eta bola-txapelketa izango dituzte, besteak beste.
