Abeslaria eta konpositorea da Judit Nedderman (Vilassar de Mar, Bartzelona, 1991) eta bakarka argitaratutako bost disko ditu. Azkena oraintsu kaleratu du, Lar izenekoa, eta brasildar musikari eta iberiar folkloreari esker oneko albuma da. Disko horretako kantuak eta beste hainbat eskainiko ditu domekan, Herriko Plazan, 20:00etan hasita.
Eskarmentu handiko musikaria da bartzelonarra; izan ere, hamar urtez The Gramophone Allstars proiektuaren abeslaria izan zen. Folka eta musika modernoa oinarri dituen kantuak sortu ditu eta abeslari ezagunekin lan egin izan du; besteak beste, Alejandro Sanz, Joan Manuel Serrat, Rozalen eta Macacorekin.
Gainera, hainbat sari jasotakoa da, esaterako, Max Sari bat, Premi Butaca bat eta bi Enderrock sari.