Debagoieneko kuadrillen arteko IX. futbol zazpi txapelketan parte hartzeko epea zabalik da dagoeneko. Portasol auzoko jaiekin bat eginez, uztailaren 15ean bailarako lagun taldeek hitzordua edukiko dute Ibarra Futbol Zelaian. Bertan lehiatzeko baldintza bakarra 16 urtetik gorakoa izatea –2007an jaiotakoak barne–da. Talde bakoitzaren arduradunak, bere izena eta telefono zenbakia eman beharko ditu, baita 130 euro sartu ere Laboral Kutxako hurrengo kontu honetan: ES 93 3035 0002 16 0020703093. Horrez gain, formulario hau bete beharko du.
Sariak
Lehenengo hiru sailkatuek sari ekonomikoa jasoko dute: irabazleek diruaren %60 jasoko dute, txapeldunordeek %30a eta hirugarrenek %10a.