Atxagazte Aretxabaletako gaztelekuak, uztaileko ekintzen egitaraua argitaratu du. Dagoeneko ekintza desberdinetan izen-emateko epea zabalik da; izan telefono bidez, izan gaztelekura bertaratuta. Beste askoren artean, paintballa, argazki sesioa, Usakora bizikletan egindako txangoa edota Mutrikuko igerileku naturalak bisitatzeko aukera egongo da.
Gazte Konkisek ez du hutsik egingo
Dagoeneko ohitura bilakatu da bailaran Aretxabaletako, Arrasateko eta Eskoriatzako gaztetxoen artean Gazte Konkis egitasmoa. Aurten ez da gutxiagorako izango eta iaz bezala Elosu auzoan egingo da. Bertan, lehiakideek hainbat proba egin behar izango dituzte.
Hortaz, aretxabaletar gaztetxoek gozamena ziurtatuta daukate uztail honetan.
