Herriko kaleak girotzeko eta oporrak hartu baino lehen herria alaitasunez betetzeko helburuarekin sortu zuten jaia, eta helburua lortu dute. Aretxarteko presidente den Kris Hernandezen esanetan, giro "ezin hobea" dago. Aurretik, ekintzaz beteriko arratsaldea gelditzen zaie.
Eguerdian hasi da Aretxarteko jaiaren bigarren eta azken eguna, batukada doinuekin. Herriko plaza izan da, ordea, festaren epizentro. UDA kirol elkarteak txosna jarri du, eta Zaloña Aurreko baserriko Ibai Alberdik ere hanburgesak eskaini ditu bazkaltzeko. Eta, Aretxarteko laurehun bat pertsona mahaiaren bueltan elkartu dira paella jateko. Sabela bete ondoren, bazkalostea girotua, haur jolasekin eta karaokea egongo da, eta bitartean, mus txapelketa ere jokatuko dute, Express kafetegiaren parean.
Arratsalde gauerako geldituko dira herriko bi musika talderen kontzertuak. 19:00etan hasita, Neallta Fola igoko da oholtza gainera, eta 20:00etan, Eten!.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak