Kadete mailan, 61 kiloz azpikoen artean, Joane Blazquezek zilarrezko domina lortu zuen hiru borrokaldi eginda.
Junior mailan bi lehiatu ziren: 61 kiloz azpikoetan Iñigo Uribeetxeberriak hirugarren postua eskuratu zuen eta 76 kiloz azpikoen artean Lander Cebrinok bigarrena. Borrokaldi estua izan zuen azken honek, eta urrezko domina lortu zuena Senshu-ren abantailarekin gailendu zitzaion aretxabaletarrari.
Senior mailan, 67 kiloz azpikoen artean, Odei Vazquez bigarren postuan geratu zen bi borrokaldiren ostean.
Karate Sailak bukatutzat eman du txapelketei dagokien denboraldia. Datorrenari begira jarrita motibazioa eta ilusioa transmititu nahi izan die arduradunak jokalariei.
