Etxekoek, Leizarra dantza taldeko kideek, antolatu dute eguna eta harekin batera honako taldeak izango dira: Oñatiko Oñatz, Arrasateko Lore Gazteak eta Txikitxu, Antzuolako Oinarin eta Soraluzeko Urrats.
Kalerik kale eta plazan alardea
Iralabarri plazan egingo diete harrera kanpotik datozenei 10:00ak bueltan, eta 10:15ean, kalejiran joango dira Herriko Plazaraino. Hamarretakoa janda indarrak eskuratuko dituzte han, eta ondoren, 11:00etan, dantza emanaldiei ekingo diete taldeek herriko gune ezberdinetan. 12:45ean Herriko Plazan elkartuko dira guztiak alardea eskaintzeko.